ಚಂಡೇಟಿಗೆ ಬದಲಾಗಿ ಕಲ್ಲೇಟು

ಅಂಕೋಲಾ: ವಿದ್ಯಾರ್ಥಿಯೊಬ್ಬ ಆಟ ಆಡುವಾಗ ಚಂಡು ತಗುಲಿದ್ದಕ್ಕೆ ಸಿಟ್ಟಾದ ವ್ಯಕ್ತಿ ಕಲ್ಲಿನಿಂದ ಹೊಡೆದು ಹಲ್ಲೆ ನಡೆಸಿದ ಘಟನೆ ತಾಲ್ಲೂಕಿನ ಹಿಚ್ಕಡದಲ್ಲಿ ನಡೆದಿದೆ. ಇಲ್ಲಿನ ಗಿರೀಶ ನಾಗೇಶ ಆಗೇರ ಅವರ ಅಣ್ಣನ ಮಗ ಪ್ರೀತಮ್ ಹರೀಶ ಆಗೇರ ಸ್ನೇಹಿತರೊಂದಿಗೆ ಮನೆಯ ಎದುರಿನ ಮೈದಾನದಲ್ಲಿ ಆಟವಾಡುತ್ತಿದ್ದರು. ಆಕಸ್ಮಿಕವಾಗಿ ಚೆಂಡು ಅಲ್ಲಿನ ಧರ್ಮೇಂದ್ರ ನಾಗರಾಜ್ ಆಗೇರ ಅವರಿಗೆ ತಗುಲಿದೆ. ಇದರಿಂದ ಸಿಟ್ಟಾದ ಧರ್ಮೇಂದ್ರ, ಪ್ರೀತಮನಿಗೆ ಕಲ್ಲಿನಿಂದ ತಲೆಗೆ ಹೊಡೆದು ಗಾಯಪಡಿಸಿದ್ದಾರೆ. ಅದನ್ನು ಕೇಳಲು ಹೋದ ಗಿರೀಶ ನಾಗೇಶ ಆಗೇರ ಅವರಿಗೂ ಅವಾಚ್ಯವಾಗಿ ನಿಂದಿಸಿ ಜೀವ ಬೆದರಿಕೆ ಹೋಗಿದ್ದಾರೆ ಎಂದು ಗಿರೀಶ್ ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದಾಖಲಿಸಿದ ದೂರಿನಲ್ಲಿ ತಿಳಿಸಿದ್ದಾರೆ.